Yeni mövsümə hazırlığı davam etdirən “Səbail” Gürcüstandakı təlim-məşq toplanışı çərçivəsində bu gün ilk yoxlama oyununu keçirib. Corner.az xəbər verir ki, baş məşqçi Mahmud Qurbanov yetirmələri Tiflis “Dinamo”su ilə üz-üzə gəlib.
“Dənizçilər” "Zestafoni” məşq mərkəzində baş tutan bu oyunda 0:2 hesablı məğlubiyyətlə üzləşib.
İyulun 25-də “Qaqra” ilə qarşılaşacaq “Səbail”, ayın 29-da da “Dila”nı sınağa çəkəcək. Hər iki oyun eyni saatda - 18:15-də başlayacaq.
