- Xəbər news
- 22:34 14.11.2024
İtaliyanın "Roma" klubunun yeni transferi Paulo Dibala İngiltərə "Mançester Yunayted"ində çıxış edən Kriştiano Ronaldoya məxsus rekordu qırıb.
Corner.az "Corriere dello Sport"a istinadən xəbər verir ki, ilk gündə 29 yaşlı hücumçunun 530 min forması satılıb.
Daha əvvəl onun sabiq komanda yoldaşı Ronaldo 2018-ci ildə "Yuventus"a keçərkən rekord müəyyənləşdirib. Həmin vaxt portuqaliyalı oyunçunun 500 min forması satılmışdı.
Qeyd edək ki, Paulo Dibala "Roma"ya Turin təmsilçisindən azad agent kimi keçib. O, "canavarlar"la 3 illik müqavilə imzalayıb.
