Dünyanın ən varlı iş adamı İlon Mask “Mançester Yunayted”i almaq niyyəti ilə bağlı açıqlamasının zarafat olduğunu deyib. Corner.az xəbər verir ki, amerikalı milyarder açıqlamasında bunları qeyd edib:
"Mən ciddi deyildim, bu Twitter-də uzun müddətdir davam edən zarafatdır. Mən heç bir idman komandası almıram.”.
“Mançester Yunayted” klubu 2005-ci ilin mayında onu satın alan və 2014-cü ilin mayında vəfat edən amerikalı iş adamı Malkolm Qleyzerin varislərinə məxsusdur.
Mask avqustun 17-də “Twitter” hesabında İngiltərə klubunu almağa hazırlaşdığını yazmışdı.
