Futbol üzrə Xorvatiya çempionatında 6-cı turun oyunları keçirilib. Corner.az xəbər verir ki, Azərbaycan millisinin üzvü Mahir Emrelinin formasını geyindiyi Zaqreb “Dinamo”su da növbəti matçına çıxıb.
Sözügedən kollektiv doğma meydanda “Osiyek”i qəbul edib. Futbolçumuzun komandası bu oyunda böyük hesablı qələbə qazanıb - 5:2.
Mahir bu görüşün iştirakçısı olmayıb. Azərbaycanlı futbolçu sonadək ehtiyatda qalıb.
Son Xorvatiya çempionu olan “Dinamo” 6 turdan sonra 16 xalla zirvədə qərarlaşıb.
