“Qrup oyunlarında “Qarabağ”a uğurlar arzulayıram”. Corner.az xəbər verir ki, bu sözləri gənclər və idman naziri Fərid Qayıbov son bir aydakı nailiyyətlər barədə öz yazısında qeyd edib:
“Futbolumuzu qitə səviyyəsində layiqincə təmsil edən “Qarabağ” Avropa Liqasının qrup mərhələsinə yüksəlməklə bizi yenidən sevindirdi. Komandanın bu mərhələdə də azarkeşləri sevindirəcəyinə inanıram” - deyə, o, bildirib.
“Qarabağ” G qrupunda Almaniyanın “Frayburq”, Yunanıstanın “Olimpiakos” və Fransanın “Nant” klubları ilə mübarizə aparacaq.
