Futbol üzrə Ukrayna Premyer Liqasında 4-cü turun oyunları keçirilir. Corner.az xəbər verir ki, azərbaycanlı futbolçu Emil Mustafayevin formasını geyindiyi “Aleksandriya” da növbəti matçına çıxıb.
Sözügedən kollektiv səfərdə “Vorskla”nın qonağı olub. Futbolçumuzun komandası bu oyundan heç-heçə ilə ayrılıb - 0:0.
Emil bu görüşün iştirakçısı olmayıb. O, bu dəfə də görüşü sonadək ehtiyat skamyasından izləyib.
“Aleksandriya” 4 turdan sonra 7 xalla 16 iştirakçı arasında 7-ci pillədə qərarlaşıb.
