Futbol üzrə İsveçrə kubokunda 1/16 final mərhələsinin oyunları keçirilib. Corner.az xəbər verir ki, Azərbaycan yığmasının hücumçusu Renat Dadaşovun formasını geyindiyi “Qrasshopper” də ölkə kubokunda növbəti matçına çıxıb.
Sözügedən komanda səfərdə aşağı liqa təmsilçisi "Qoldstern"in qonağı olub. Futbolçumuzun komandası bu oyunda 3:0 hesablı qələbə qazanaraq növbəti mərhələyə adlayıb.
Renat bu görüşün iştirakçısı olmayıb. Onun adı bu oyunun iştirak ərizəsinə də daxil edilməyib.
