- Xəbər news
- 21:02 20.10.2024
Bir neçə gün öncə Yunanıstan "Olimpiakos"undan Birləşmiş Ərəb Əmirliklərinin "Əl-Şarca" klubuna keçən Kostas Manolas təqdimat mərasimində kuryoz hadisə ilə üzləşib.
Corner.az xəbər verir ki, təqdimat üçün gətirilən şir 31 yaşlı müdafiəçiyə çətin anlar yaşadıb. Belə ki, çəkiliş zamanı arxada olan aslanın kükrəməsi yunanıstanlı oyunçunu qorxudub. Kürsüdə olan futbolçu yıxılmaqdan son anda xilas olub.
Qeyd edək ki, "Olimpiakos" "Qarabağ"ın UEFA Avropa Liqasının qrup mərhələsindəki rəqiblərindəndir. "Köhlən atlar" Pirey təmsilçisinə qarşı ilk matçını oktyabrın 6-da səfərdə, növbəti görüşünü isə bundan bir həftə sonra Bakıda keçirəcək.