Futbol üzrə Xorvatiya çempionatında 11-ci turun oyunları keçirilib. Corner.az xəbər verir ki, Azərbaycan millisinin hücumçusu Mahir Emrelinin formasını geyindiyi Zaqreb “Dinamo”su da növbəti matçına çıxıb.
Sözügedən kollektiv doğma meydanda “Slaven Belupo”nu qəbul edib. Futbolçumuzun komandası bu oyundan qələbə ilə ayrılıb – 4:1.
Mahir bu görüşün iştirakçısı olmayıb. Azərbaycanlı futbolçu sonadək ehtiyatda qalıb.
Son Xorvatiya çempionu olan “Dinamo” 11 turdan sonra 31 xalla zirvədə qərarlaşıb.
