İtaliyanın "Yuventus" və "İnter" komandalarının sabiq futbolçusu Kvadvo Asamoa karyerasını başa vurub. Corner.az xəbər verir ki, o, 34 yaşında futboldan getməyə qərar verib.
A Seriyasında 279 oyun keçirmiş qanalı futbolçu bu müddət ərzində 13 titul qazanıb. O, İtaliya çempionatında oyun sayı baxımından afrikalılar arasında rekordçudur.
Kvadvo Asamoa 2012-2018-ci illərdə "Yuventus"un, 2018-2020-ci illərdə isə "İnter"in formasını geyinib. “Udineze”də də oynamış futbolçunun son komandası İtaliya "Kalyari"si olub. O, Qana yığmasında da 74 oyuna 4 qol vurub.
