Wenger qayıdır

"Qısa müddət sonra məni futbol dünyasında görəcəksiniz. Ancaq baş məşqçi kimi çalışıb-çalışmayacağımı bilmirəm".
 
Corner.az xəbər verir ki, bu sözləri "BBC Sport" açıqlamasında "Arsenal"ın sabiq baş məşqçisi Arsene Wenger bildirib.69 yaşlı mütəxəssis tezliklə futbola qayıdacağını deyib: "Komanda çalışdırmağın həsrətində olacağımı düşünürdüm, ancaq vaxt keçdikcə indiki vəziyyət mənə daha xoş gəldi. Futbol mənim sevgimdir. Hansı vəzifə olursa, olsun, geri qayıdacam".

Qeyd edək ki, Wenger "Arsenal"da 1996-2018-ci illərdə çalışıb. O, 22 il ərzində londonlulara 3 Premyer Liqa kubokunu qazandırıb.