Braziliyalı müdafiəçi Dani Alveş “Barselona”nın gənclər komandası ilə məşqlərə başlayıb. Corner.az klubun rəsmi saytına istinadən xəbər verir ki, 39 yaşlı futbolçu bu hazırlıqla gələn ay Qətərdə təşkil ediləcək dünya çempionatında Braziliya yığmasının heyətində yer alacağına ümid edir.
Son olaraq Meksikanın “Pumas” klubunda çıxış etmiş Alves formadan düşməmək üçün “Barselona”nın gənclər komandasında məşq edir.
Meksika liqasında mövsüm oktyabrın 1-də yekunlaşıb.
2021-ci ilin noyabrında “Barselona”ya qayıdıb bir mövsüm keçirən Alves, 2008-2016-cı illərdə də Kataloniya təmsilçisinin formasını geyinmişdi.
