Avropanın aparıcı klubları 2025-ci ildə ABŞ-da keçirilməsi gözlənilən klublararası dünya çempionatında iştirakdan imtina edirlər. Corner.az xəbər verir ki, bu barədə “Daily Mail” məlumat yayıb.
FİFA rəhbərliyi Qətərdə keçirilən dünya çempionatında klub nümayəndələri ilə danışıqlar aparsa da, klubların əksəriyyəti müsbət cavab verməyib.
FİFA ABŞ-da 32 komandanın iştirakı ilə turnir keçirmək istəyir. Amma yarışın formatı hələ müəyyənləşməyib. Bundan başqa, yayımçılar və kommersiya tərəfdaşları ilə danışıqlara da start verilməyib.
