Qazaxıstan Premyer Liqasında 13-cü turun oyunları keçirilib.
Corner.az xəbər verir ki, millimizin qapıçısı Emil Balayevin çıxış etdiyi "Tobol" öz meydanında "Şaxtyor"u (Karaqanda) qəbul edib. Qarşılaşma "Tobol"un 2:0 hesablı qələbəsi ilə yekunlaşıb.
Oyuna start heyətdə başlayan Balayev 73-cü dəqiqədə rəqibin futbolçusu Marat Şaxmetovun penalti zərbəsini dəf edib.
Qeyd edək ki, "Topol" 13 oyundan sonra 29 xalla ikinci pillədə qərarlaşıb. İki oyun çox keçirən "Astana" isə 32 xalla birinci sıradadır.
