“Şamaxı”nın yarımmüdafiəçisi Bahadur Həziyev əyalət klubu ilə yeni müqavilə bağlamasına münasibət bildirib. Corner.az xəbər verir ki, o, klubun mətbuat xidmətinə açıqlamasında bunları söyləyib:
“Yeni müqavilə imzaladığım üçün klub rəhbərliyi və məşqçilər heyətinə təşəkkür edirəm. Mənim üçün də yeni müqavilə çox xoş oldu. "Şamaxı"da oynadığım üçün çox xoşbəxtəm, azarkeşlərə də təşəkkür edirəm ki, heç vaxt bizi tək qoymurlar. Öz oyunum haqda da deyə bilərəm ki, kifayətlənmək olmaz, öz üzərimdə çalışıb daha da yaxşı formada olmalıyam. "Şamaxı" ailəsinin hər bir üzvünə təşəkkür edirəm”.
