Emil Balayev yenə "Tobol"un ən yaxşısı seçildi
Millimizin və "Tobol"un futbolçusu Emil Balayev Qazaxıstan çempionatının 13-cü turunda “Şaxtyor”la (Karaqanda) keçirilən görüşün ən yaxşı futbolçusu seçilib.
Corner.az klubun saytına istinadən xəbər verir ki, penaltini dəf etməklə komandasını real qoldan xilas edən 24 yaşlı qolkiper “Instat”ın təhlilinə görə hamının qabaqlayıb. Onun çıxışı 313 xalla qiymətləndirilib. Balayevin komanda yoldaşları - Baurjan Turısbek (285) 2-ci, Ruslan Valiullin (275) 3-cü olub.Qeyd edək ki, Balayev artıq bu mövsüm 4-cü dəfədir ən yaxşı 3-lükdə yer alır.
