“Petrolul”un baş məşqçisi Nikolae Konstantin “Turan Tovuz”la keçirilən yoxlama görüşünü dəyərləndirib. Corner.az xəbər verir ki, rumıniyalı mütəxəssis 3:2 hesabı ilə qalib gəldikləri oyunda iki futbolçularının zədələnməsindən narahatlıq bildirib.
Ancaq Konstantin buna görə, Azərbaycan təmsilçisini qınamayıb: “İki oyunçumuzu itirdiyimiz üçün narahatam. Qarşılaşma hazırlıq xarakterli idi, başqa bir şey üçün yox. Sakit oyun oldu, aqressiya həddini aşmadı. Bu təlimdən maksimum yararlanmağa çalışırıq. “Turan Tovuz”la oyun indiki dövr üçün normal sınaqdır”.
Qeyd edək ki, “Petrolul” Antalyada növbəti oyununu sabah Polşa klubu “Lexiya”ya qarşı keçirəcək. “Turan Tovuz” isə yanvarın 13-də “Aarau” (İsveçrə) ilə üz-üzə gələcək.
