Portuqaliya millisinin hücumçusu Kriştiano Ronaldo Səudiyyə Ərəbistanın “Əl-Nəsr” komandasında növbəti oyununu keçirib. Corner.az xəbər verir ki, 38 yaşlı futbolçu ölkə çempionatının 16-cı turu çərçivəsində baş tutan “Əl-Vəhda” ilə matçın iştirakçısı olub.
Start heyətdə meydana çıxan hücumçu sonadək oynayıb. Komandasının bütün qollarını də məhz Ronaldo vurub. O, 21, 40, 51 (pen.) və 61-ci dəqiqələrdə fərqlənib.
Portuqaliyalı ulduz poker sayəsində indiyədək çıxış etdiyi ölkə çempionatlarında vurduğu qol sayında 500-ü keçib. Onun bu oyundakı ilk qolu yubiley xarakteri daşıyıb.
Bu nəticədən sonra “Əl-Nəsr” 37 xalla lider olub.
