Qadın futbolçulardan ibarət Azərbaycan millisinin baş məşqçisi Siyasət Əsgərov və kapitanı Sevinc Cəfərzadənin “The Best” mükafatları üçün kimlərə səs verdiyi bilinib. Corner.az saytının FIFA-nın rəsmi saytına istinadən məlumatına görə, hər ikisi ilin ən yaxşı qadın futbolçusunu düzgün proqnozlaşdırmayıb.
Maraqlıdı ki, ilin futbolçusu seçilən ispaniyalı Aleksia Putelyası onların heç biri ilk “üçlüy”ündə yer almayıb. Əsgərov almaniyalı Aleksandra Poppu 1-ci, amerikalı Aleks Morqanı 2-ci, ispaniyalı Aitana Bonmatini üçüncü yazıb. Cəfərzadə də Aleksandra Poppu ən yaxşı hesab edib. O, ingiltərəli Lea Uilyamson və almaniyalı Lena Oberdorfu 2-3-cü yerlərdə qeyd edib.
İlin ən yaxşı qadın məşqçi sorğusunda Siyasət Əsgərov sıralamanı Sarina Vyeqman (Niderland), Martina Voss-Teklenburq (Almaniya), Pia Sundeyc (Braziliya) kimi göstərib. Sevinc Cəfərzadə isə ilk “üçlük”də bu mütəxəssisləri yazıb: Martina Voss-Teklenburq, Sarina Vyeqman, Bev Priestman (Kanada).
