“Qalatasaray”ın hücumçusu Mauro İkardi “Qarabağ”la keçirilən yoldaşlıq oyunu ilə bağlı paylaşım edib. Corner.az xəbər verir ki, 30 yaşlı ulduz futbolçu 2:1 hesabı ilə qalib gəldikləri görüşdən sonra instaqram səhifəsi vasitəsilə Azərbaycana təşəkkür edib.
Argentinalı forvard bunun xeyriyyə xarakterli qarşılaşma olduğunu xatırladıb:
“Zəlzələdən zərər çəkmiş insanlara kömək etmək üçün təşkil edilən bu matça görə Azərbaycana təşəkkür edirəm. İştirak edən hər kəsə təşəkkürlər”.
Qeyd edək ki, Bakı Olimpiya Stadionunda keçirilən oyunun 87-ci dəqiqəsində məhz Mauro İkardi penaltidən qələbəni qolunu vurub.
