Hollandiyalı futbolçu karyerasını başa vurdu

Hollandiya futbolunun önəmli futbolçularından olan Rafael van der Vaart karyerasını başa vurub.

Corner.az-ın məlumatına görə, Danimarkanın Esbjerg klubunda forma geyinən hollandiyalı futbolçu Rafael van der Vaart futbolçu karyerasını başa vurduğunu açıqladı. 35 yaşındakı təcrübəli futbolçu bu qərarı verməyin çətin olduğunu qeyd edərək, "Buraxmaq məcburiyyətində idim.Yoxsa zövqü qalmır və mən bunun qarşısını almaq istəyirəm.Bu qərar daha yaxşı oldu.Həm oynadığım klublarda həm də Hollandiya millisində kuboklar qazandım.İllərlə ən gözəl stadionlarda bir çox böyük futbolçularla oynadım.Bunu uşaq ikən xəyal etməyə cəsarət belə edə bilməzdim"

Qeyd edək ki, 35 yaşlı futbolçu karyerası ərzində Ajax, Hamburg, Real Madrid, Tottenham, Real Betis, Midtjylland və Esbjerg klublarında çıxış edib.