“Qarabağ”ın hücumçusu Musa Qurbanlı oyunu ilə İtaliya mətbuatının diqqət mərkəzinə düşüb. Corner.az xəbər verir ki, “tuttomercatoweb” saytı 20 yaşlı futbolçu ilə bağlı məqalə yayımlayıb.
Məqalədə Qurbanlının 20 qolla Azərbaycan Premyer Liqasının bombardiri olduğu və adını ölkənin futbol tarixinə yazdıracağı vurğulanıb. Onun “Qarabağ”ın baş məşqçisi Qurban Qurbanovun oğlu olması da diqqəti çəkib.
Sözügedən sayt Musanı Azərbaycanın Xviça Kvaratsxeliyası (“Napoli”də forma geyinən gürcü futbolçu) hesab edib və bir çox klubun artıq onunla yaxından maraqlandığını da qeyd edib. Musanı istəyənlər arasında “Beşiktaş” və İtaliya təmsilçilərinin olduğu bildirilib.
Bundan başqa, Canni De Byazinin rəhbərliyi altında milli komandanın son 10 oyunun 5-də qələbə qazanması qeyd olunub. Bununla belə, sayt hesab edir ki, Avstriya (1:4) və İsveçə (0:5) məğlubiyyətlərdən sonra italiyalı mütəxəssislə yolların ayrılması mümkündür.
