PSJ-nin hücumçusu Lionel Messi Beynəlxalq Futbol Tarixi və Statistikaları Federasiyası (IFFHS) tərəfindən təltif olunub. Corner.az saytı xəbər verir ki, 35 yaşlı ulduz 3 mükafat qazanıb.
Argentinalı oyunçu, 2022-ci ilin həm ən yaxşı futbolçusu, həm ən yaxşı pleymeykeri, həm də ən yaxşı beynəlxalq qolçusu mükafatını alıb.
Messi 2011-ci ildən bəri artıq 13 dəfə IFFHS WORLD AWARDS-ı qazanıb ki, bu da qurum tarixində rekorddur.
