- Xəbər news
- 21:02 20.10.2024
Azərbaycan Voleybol Federasiyasının (AVF)
vitse-prezidenti Faiq Qarayev də qadınlardan ibarət millinin baş məşqçisi
postuna gətirilən Ataman Güneyligilin təyinatı ilə bağlı təşkil edilən mətbuat
konfransında çıxış edib.
Corner.az-ən
məlumatına görə O, türkiyəli mütəxəssisə hər cür köməkliyə hazır olduqlarını
bildirib:
“Ataman bəyə
böyük hörmətim var. Mən də Türkiyədə bir neçə il işləmişəm. Həmişə onun
arxasındayam. Yeni baş məşqçimizin işi çox çətindir. Ona dəstək olmalıyıq”.
F.Qarayev əlavə edib ki, federasiya prezidenti Şahin
Bağırovla birlikdə Azərbaycan voleybolu üçün ciddi işlər görəcəklər:
“Şahin müəllim çox pozitiv insandır. Bu da voleybolumuza xeyir verəcək”.
Həmçinin konfransda federasiyasının prezidenti Şahin
Bağırov bildirib ki, 42 yaşlı məşqçi ilə sözləşmənin
müddəti 3 aylıq nəzərdə tutulub:
“Milli komanda Avropa çempionatında çıxış edəcəyi üçün
müqavilə üç aylıq olacaq. Yaydan sonra növbəti sözləşmə ilə bağlı müzakirə
aparacağıq”.
Baş məşqçi isə hazırda yığma üzvlərinin klublarında
olduqlarını və üç aylıq müddətin ilkin hədəflər üçün kifayət edəcəyini
vurğulayıb.