Qalatasaray və Qarabağ birgə futbol akademiyası açacaqlar

"Qalatasaray"ın İdarə Heyətinin üzvü Emin İmanov  “CBC Sport”da yayımlanan “Türkiyədən futbol” verilişində açıqlamalar verib.

Corner.az xəbər verir ki, İmanov Super Liqada 23-cü çempionluğunu qeyd edən "Qalatasaray"ın mart ayında qardaşlaşmış olduğu “Qarabağ” klubu ilə Azərbaycanda birgə futbol akademiyası açacaqlarını bildirib. 

Qeyd edək ki, martın 26-da Bakı Olimpiya Stadionunda baş tutan xeyriyyə xarakterli yoldaşlıq görüşündə İstanbul təmsilçisi 2:1 hesablı qələbə qazanmışdı.Daha sonra “Qarabağ”la “Qalatasaray” mart ayında qardaşlaşmış klublar olduğunu açıqlamışdılar. 

Əlavə edək ki, “Qalatasaray” mayın 30-da səfərdə “Ankaragücü”nə 4:1 hesabı ilə qalib gəldikdən sonra bu mövsüm çempionluğu rəsmiləşdirib.