Bu gün Çempionlar Liqasının final görüşü keçiriləcək.
Corner.az xəbər verir ki, İstanbulda baş tutacaq oyunu AFFA rəhbərliyi də izləyəcək.
Belə ki, assosiasiyanın prezidenti Rövnəq Abdullayev və baş katib Sərxan Hacıyev də UEFA tərəfindən bu qarşılaşmaya dəvət edilib.
FİFA-nın Avropa Milli Assosiasiyalar üzrə direktoru vəzifəsində çalışan AFFA-nın vitse-prezidenti Elxan Məmmədov da oyunu izləyənlər arasında olacaq.
Qeyd edək ki, bu gün İstanbuldakı Atatürk Olimpiya Stadionunda keçiriləcək Çempionlar Liqasının final matçı Bakı vaxtı ilə saat 23:00-da başlayacaq.
