Ronaldinyodan həvəskarlar üçün layihə

Braziliya millisinin sabiq hücumçusu Ronaldinyo və Əlcəzair yığmasının üzvü Yasin Brahimi yeni layihəyə start verib.

90deqiqe.az xəbər verir ki, onlar bu yolla həvəskar gənc futbolçuların peşəkar klublarla əlaqə saxlamasında köməklik göstərəcəklər.

“FootSider” adlı kampaniyaya qoşulacaq həvəskar futbolçular bundan yararlanıb peşəkar futbola keçid etmə şansına sahib olacaqlar.

Brahimi layihə ilə bağlı açıqlama verib: “Mən həmişə peşəkar təlim mərkəzlərində olduğum üçün şanslı idim. Lakin çox sayda böyük istedadlar  olur ki, diqqətdən kənarda qalır və peşəkar olmaq imkanı əldə edə bilmir”.