Qadın idmanı 1 milyard funt sterlinq qazandıracaq!

Elit qadın idmanının əldə etdiyi qlobal gəlirin gələn il ilk dəfə olaraq 1 milyard funt-sterlinqi ötəcəyi proqnozlaşdırılır.

90deqiqe.az xəbər verir ki, cari il baş tutan FIFA Qadınlararası Dünya Kubokunundan sonra qadın futbolundan əldə olunan gəlir əvvəlki mundiallara nisbətdə daha yüksəkdir. Bu artımdan sonra 2024-cü ildə qadınların idman gəlirinin 1,02 milyard funt-sterlinqə çatacağını gözlənilir.

Hazırda futboldan əldə olunan gəlir 439 milyon funt sterlinq basketboldan isə 280 milyon funt sterlinq dəyərindədir.

Qeyd edək ki, bütün idman növlərinə nəzər salsaq, 2023-cü il üçün qadın idmanı üzrə 771,8 milyon funt-sterlinq, 2022-ci ildə isə 554,4 milyon funt-sterlinq təşkil edib.