Dünya çempionatında finalçılar bilindi

Qadın futbolçulardan ibarət yığma komandalar arasında təşkil olunan dünya çempionatında yarımfinal mərhələsinə yekun vurulub.

Corner.az xəbər verir ki, Fransanın ev sahibliyi etdiyi sayca 8-ci mundialın ikinci yarımfinal görüşündə Hollandiya və İsveç yığmaları üz-üzə gəlib

Matçın əsas vaxtında qapılara qol vurulmayıb. Bu üzdən də əlavə vaxta ehtiyac duyulub. Hollandlar məhz əlavə vaxtda – 99-cu dəqiqədə vurduqları yeganə qol sayəsində finala vəsiqə qazanıblar – 1:0.

Digər yarımfinal qarşılaşmasında ABŞ İngiltərəni 2:1 hesabı ilə məğlub etmişdi.

Beləliklə, mundialın finalında ABŞ və Hollandiya milliəri qarşılacaq. Həlledici qarşılaşma iyulun 7-də keçiriləcək. Finaldan bir gün öncə isə 3-cü yer uğrunda oyunda İngiltərə və İsveç yığmaları üz-üzə gələcək.