Azərbaycan regionun ən böyük oyun festivalına ev sahibliyi edəcək

Mayın 31-dən iyunun 2-dək Crystal Hall-da regionun ən böyük oyun festivalı olan GameSummit Baku 2024-ün keçirilməsi planlaşdırılır.

Bu tədbirdə qabaqcıl virtual reallığa böyük diqqət yetiriləcək.

Bundan əlavə, yerli oyun tərtibatçılarının ən son nailiyyətləri haqqında məlumatlar təqdim olunacaq, e-idman üzrə qlobal turnir keçiriləcək.

Festival bir neçə gün davam edəcək, biznes təşəbbüslərini, e-idmanı əhatə edəcək, həmçinin böyuk konsert proqramı ilə çıxış edəcək.

Ziyarətçilər retro oyunlar oynayarkən virtual reallığa qərq olmaq və keçmişin nostaljisini yaşamaq imkanı əldə edəcəklər.

GameSummit Baku 2024, həmçinin iştirakçıların oyunlar, anime, komikslər və geek mədəniyyətinin digər sahələrindən ilhamlanmış kostyumlarını nümayiş etdirə biləcəkləri bir cosplay müsabiqəsinə ev sahibliyi edəcək.