"Qarabağ"ın U-15 komandası beynəlxalq turnirdə 1/4 finala yüksəlib

“Qarabağ”ın 15 yaşadək futbolçulardan ibarət komandası Belarusda keçirilən beynəlxalq turnirdə 1/4 finala yüksəlib.

90deqiqe.az xəbər verir ki, Ağdam təmsilçisi Minskdə təşkil olunan “Bizim gələcəyimiz” turnirində yer aldığı B qrupunu 7 xalla birinci yerdə tamamlayıb.

Vüqar Əsgərlinin kollektivi III turda yerli BATE ilə 1:1 hesablı heç-heçə edib. “Qarabağ”ın heyətində 25-ci dəqiqədə Murad İbrahimli fərqlənib.

Növbəti mərhələnin matçları fevralın 9-da keçiriləcək.

Qeyd edək ki, “Qarabağ” ilk iki turda Rusiya təmsilçiləri “Zvezda” və “Olimpik”i eyni – 2:0 hesabı ilə məğlub edib.