Azərbaycan Tələbə liqasında ikinci dövrənin açılış oyunu olub

Futzal Üzrə Azərbaycan Tələbə liqasında ikinci dövrənin açılış oyunu baş tutub. “Azərbaycan Memarlıq və İnşaat Universiteti”nin komandası “Azərbaycan Dövlət Bədən tərbiyəsi və İdman Akademiyası” ilə qarşılaşıb.

90deqiqe.az xəbər verir ki, Azərbaycan Texniki universitetinin idman zalında keçirilən oyuna Azərvaycan Dövlət Bədən tərbiyəsi və İdman Akademiyasının oyunçuları yaxşı başlayıb. Bunun məntiqi nəticəsi kimi onlar Eldar Zeynalovla hesabı açıb. Ardınca Emin Cəbrayılov komandasının 2-ci qolunu vurub. Hissənin sonlarında Nurlan Allahverdiyev fərqi minimuma endirib. Lakin ikinci hissə tamamilə idman akademiyasının üstünlyü ilə keçib. Əvvəlcə Emin Cəbrayılov dubl edib. Daha sonra Nurlan Ələkbərov hesab arasındakı fərqi 3 topa çıxarıb. Matçın sonlarında het-trikini rəsmiləşdirən  Emin Cəbrayılov oyunda son nöqtəni qoyub. “Azərbaycan Memarlıq və İnşaat Universiteti” 1, “Azərbaycan Dövlət Bədən tərbiyəsi və İdman Akademiyası” 5.