"Qalatasaray"ın eks üzvü millidən ayrıldı

Kamerun futbol Federasiyası millinin baş məşqçisi Riqobert Sonqla yollarını ayırıb .

90deqiqe.az federasiyadan verilən açıqlamaya istinadən xəbər verir ki, 47 yaşlı çalışdırıcının və komandasının fevralın 28-də başa çatan müqavilələrinin yenilənməyəcəyi qeyd olunub. 

Federasiya prezidenti Samuel Eto Fransa televiziyasına "O, bu komandaya çox töhfə verdi. Hədəflərimizə çata bilmədik. Ona gələcək karyerasında uğurlar arzulayırıq" deyib.

2022-ci ilin martında Kamerun millisinə dəvət alan Sonq 23 matçda 6 qələbə, 8 heç-heçə və 9 məğlubiyyətlə ayrılıb. Aktiv karyerasının qızıl çağında İngiltərə Premyer Liqa klubları "Liverpul" və "Vest Hem Yunayted"də çıxış edən Sonq "Qalatasaray" və "Trabzonspor"da oynadıqdan sonra futboldan ayrılıb.