Ronaldo yeni rekorda imza atıb

Ronaldo Səudiyyə Ərəbistanı Pro Liqasında qol vurmaq üzrə yeni rekorda imza atıb

90deqiqe.Az xəbər verir ki, Kriştianu Ronaldo, "Əl-Nassr"ın "Əl-İttihad"a qarşı etdiyi dubldan sonra Səudiyyə Ərəbistanı Pro Liqası mövsümündə vurduğu qolların sayını 35-ə çatdıraraq yeni rekorda imza atıb. 

39 yaşlı futbolçu 4:2 hesabı ilə bitən oyunda iki qol vurub ki, bu da 2018-19-cu ildə Abderrazak Hamdallahın vurduğu 34 qolluq nəticəni ötməyə kifayət olub. 

Portuqaliyalı hücumçu 2023-cü ilin yanvarında "Mançester Yunayted"dən ayrıldıqdan sonra" Əl-Nassr"də yarışlarda 69 oyunda 64 qol vurub.

Ronaldo indi 22 illik karyerasında "Sportinq Lissabon" , "Mançester Yunayted", "Real Madrid" və "Yuventus" klublarında 765 qola imza atıb.

O, həmçinin, Portuqaliya millisində keçirdiyi 206 oyunda vurduğu 128 qol ilə beynəlxalq qol rekorduna sahibdir.