Olimpiya çempionu 16 aylıq cəza aldı

Olimpiya çempionu Tiago Braz dopinqə görə 16 aylıq cəza alıb. 

90deqiqe.Az CNN əsasən məlumat verir ki, dirəklə tullanma üzrə braziliyalı olimpiya çempionu Tiago Braz, dopinq qaydalarını pozduğu üçün 16 aylıq cəza alıb və Parisdə keçiriləcək növbəti Olimpiya Oyunlarını buraxacaq. Braz, 2023-cü ilin iyulunda keçirilən yarış zamanı ostarin qlükuronid maddəsi ilə müsbət test nəticəsi verib.

Ostarin, əzələ böyüməsini və idman performansını artıran qadağan olunmuş maddələr siyahısına daxildir. Brazın vəkilləri bu maddəni bilməyərəkdən qəbul etdiyini, lakin bir idman qidalanması mütəxəssisi tərəfindən verilən əlavələrdən təsadüfən aldıqlarını bildiriblər. 

AIU, Brazın daha ehtiyatlı olmalı olduğunu vurğulasa da, onun məsuliyyət səviyyəsini nəzərə alaraq, cəzanın 16 aya endirilməsini qərarlaşdırıb. Brazın müdafiə qrupu cəzanın daha da azaldılması üçün İdman Arbitraj Məhkəməsinə (CAS) müraciət edib.