Azərbaycanlı hakim Olimpiya Oyunlarına təyinat aldı

Azərbaycanlı güləş hakimi Asif Şirəliyev Paris-2024-ə təyinat alıb. 

90deqiqe.Az xəbər verir ki, ölkəmiz növbəti dəfə hakimlərin timsalında da Olimpiadada təmsil olunacaq.I-S kateqoriyalı referi Asif Şirəliyev ikinci dəfə Olimpiya Oyunlarında ədaləti qoruyacaq. 

İlk dəfə Tokio-2020-də debüt edən 43 yaşlı hakim bu dəfə Paris-2024-də görüşləri idarə edəcək. 

Dünya Güləş Birliyi (UWW) geridə qalan yarışlarda idarəçiliyi yüksək qiymətləndirərək həmyerlimizə məsul yarışda etimad göstərib.

Qeyd edək ki, ümumilikdə 39 referi qarşıdan gələn Olimpiadada iş başında olacaq.