İspaniya Avropa çempionu oldu - 19 yaşlılar arasında
19 yaşadək futbolçular arasında Avropa çempionatına yekun vurulub.Corner.az-ın məlumatına görə, final matçında İspaniya və Portuqaliyanın müvafiq yaş qrupları üzrə yığmaları qarşılaşıb. Görüşdə ispanlar 2:0 hesablı qələbə qazanaraq Avropa çempionu olublar. İspaniya millisinin heyətində hər iki qolu Ferran Torres (34, 51) qeyd edib.Qeyd edək ki, U-19-lar arasında AÇ-2019-un final mərhələsi Ermənistanda keçirilib.
