Komandada rəqabət olmalıdır - Ramil Şeydayev

Dinamo'nun futbolçusu Ramil Şeydayev  Premyer Liqada ilk qələbələrini və komandanın hücum xəttinin möhkəmləndirmə ehtimalını şərh edib.

Corner.az Rusiya mətbuatına istinadən xəbər verir ki, millimizin hücumçusu bunlarla bağlı deyib: "Birinci qələbəmizi qazanmağımız xoşdur. Buna görə sevinirik. Amma indi çox məşq etməli və növbəti oyunlara hazırlaşmalıyıq.

Yeni hücumçu axtarışları haqda nə düşünürəm? Bu normaldır. Komandada rəqabət olmalıdır".

Qeyd edək ki, Şeydayev 3-cü turda "Ural"a qalib (2:0) gəldikləri matçda gözəl oyun nümayiş etdirib və komandasının ikinci qolunun ötürməsini verib.