FİFA "Ferents Puşkaş" mükafatına namizədləri açıqladı

Ferents Puşkaş mükafatına namizəd qollar müəyyənləşib.

Corner.az xəbər verir ki, FIFA 10 futbolçunun qolunu açıqlayıb.

Bunlar Daniel Jori ("Debretsen"), Lionel Messi ("Barselona"), Zlatan İbrahimoviç ("Los-Anceles Qelaksi”), Endros Taunsend ("Kristal Pelas"), Fabio Kvalyarella ("Sampdoriya"), Xuan Kintero ("River Pleyt") və Mateus Kunyadı ("Leypsiq").

Bundan başqa üç qadın futbolçu - Adjara Nçut (Kamerun millisi), Emi Rodriges ("Yuta Royals") və Billi Simpson (Şimali İrlandiya millisi) da namizədlər arasındadı.

Siyahı tərtib olunarkən 2018-ci il 16 iyuldan 2019-cu il 19 iyuladək vurulan qollar nəzərə alınıb. "Ferents Puşkaş" mükafatı üçün səsvermə azarkeşlər arasında aparılacaq və sentyabrın 1-də başa çatacaq.