Portuqaliya çempionatında 4-cü turun oyunları keçirilib.
Corner.az xəbər verir ki, millimizin hücumçusu Renat Dadaşovun formasını geyindiyi “Pasuş de Ferreyra” da növbəti matçına çıxıb.
Sözügedən komanda öz meydanında “Maritimo” ilə üz-üzə gəlib. Futbolçumuzun komandası bu oyundan məğlubiyyətlə ayrılıb – 0:1.
Renat da bu görüşün iştirakçısı olub. Start heyətdə meydana çıxıb və sonadək mübarizə aparıb.
Qeyd edək ki, Renat bu yay İngiltərənin “Vulverhempton” klubuna transfer olunsa da, “Pasuş de Ferreyra”ya 1 illik icarəyə verilib. Futbolçumuzun komandası hazırda 1 xalla 18 kollektiv arasında sonuncudu.
