- Xəbər news
- 01:00 22.01.2026
Barselona'nın futbolçusu Samuel Umtitinin evi qarət olunub.
Corner.az-ın İspaniya mətbuatına istinadən xəbərinə görə, hadisə sentyabrın 14-ü baş verib. Həmin gün Kataloniya təmsilçisi La Liqanın 4-cü turunda "Valensiya" ilə üz-üzə gəlib. Fransalı müdafiəçi matçda iştirak etməsə də, stadionda olub.
Hadisə ilə bağlı Umtitinin qonşuları polisə zəng vurub. Hadisə yerinə gedən polislər boş seyflə qarşılaşıblar. Ən azı 4 nəfərin qarətdə iştirak etdiyi bildirilir.
Qeyd edək ki, bundan əvvəl "Barselona"nın futbolçusu Jordi Albanın evi qarət olunmuşdu.
