“Borussiya”nı “Arsenal”a dəyişə bilər

“Borussiya Dortmund” klubunun sol cinah müdafiəçisi Daniel Svensson karyerasını “Arsenal”da davam etdirə bilər.  

90deqiqe.Az-ın "Bild"ə istinadən məlumata görə, futbolçunun xidmətində London klubu maraqlıdır.

İsveçli futbolçunun transferi uğrunda mübarizədə “topçular”a “Lids Yunayted” və Milanın “İnter” klubu da rəqib ola bilər.

 Svenssonun “Arsenal”a mümkün keçidi Mayls Lyuis-Skellinin klubdakı gələcəyini sual altına qoya bilər.

“Sarı-qaralar” 23 yaşlı futbolçunu 29,9 milyon avro satmağa hazırdır.

Cari mövsümdə Svensson bütün turnirlər üzrə 30 oyunda meydana çıxıb, 3 qol və 1 məhsuldar ötürmə ilə yadda qalıb. Futbolçunun klubla mövcud müqaviləsi 2029-cu ilin yayına qədər qüvvədədir. Transfermarkt portalının məlumatına əsasən, Svenssonun bazar dəyəri 22 milyon avro təşkil edir.