- 21:31 03.03.2026
“İdmançıların Uğur Hekayələri” podkastının növbəti buraxılışı yayımlanıb.
90deqiqe.Az-ın məlumatına görə, “SportZone”un bu dəfəki qonağı cüdoçu, Avropa çempionu Zülfüqar Həsənovdur.
Zülfüqar Həsənov, idman karyerası boyunca tatamidə qazandığı uğurlar, yüksək döyüş əzmi və peşəkar yanaşması ilə seçilən idmançılardandır. O, çıxış etdiyi yarışlarda nümayiş etdirdiyi texniki bacarıq və iradəsi ilə Azərbaycan cüdosuna mühüm töhfələr verib.
Podkast zamanı Həsənov idman karyerası, tatamidə qazandığı təcrübələr, komanda ruhuna yanaşması və Azərbaycanda gənclərin cüdoya olan marağı barədə səmimi fikirlərini bölüşür. O, həmçinin idmanın çətin tərəfləri, motivasiya mənbələri və əldə etdiyi uğurların arxasında dayanan zəhmət haqqında ətraflı danışır.
Cüdoya, idmana və motivasiyaya marağınız varsa, bu epizodu mütləq izləyin — peşəkar idmanın arxa planını daha yaxından tanıyacaqsınız!
Qeyd edək ki, çəkiliş “RefRef” medianın dəstəyi ilə baş tutub.
Videonu izləmək üçün aşağıdakı linkə keçid edə bilərsiniz:
