Qazaxıstan çempionatında 30-cu turun oyunları keçirilib.
Corner.az xəbər verir ki, millimizin qapıçısı Emil Balayevin şərəfini qoruduğu “Tobol” da növbəti matçına çıxıb.
Sözügedən kollektiv doğma meydanda “Ordabası” ilə üz-üzə gəlib. Futbolçumuzun komandası bu oyundan məğlub olub – 1:2.
Emil də bu görüşün iştirakçısı olub. O, start heyətdə meydana çıxıb və sonadək mübarizə aparıb.
Qeyd edək ki, “Tobol” hazırda 59 xalla 2-ci pillədə qərarlaşıb.
