Rəşad Nəbiyev Marius Vizeri “Dostluq” ordeni ilə təltif olunması münasibətilə təbrik edib

Azərbaycan Cüdo Federasiyasının (ACF) prezidenti Rəşad Nəbiyev Beynəlxalq Cüdo Federasiyasının prezidenti Ladislau-Marius Vizeri “Dostluq” ordeni ilə təltif olunması münasibətilə təbrik edib.

90deqiqe.Az-ın məlumatına görə, ACF rəhbəri bu barədə “X” sosial şəbəkə hesabında paylaşım edib.

Azərbaycan Prezidenti İlham Əliyevin 3 oktyabr 2026-cı il tarixli sərəncamı ilə Marius Vizer Azərbaycanda və beynəlxalq səviyyədə cüdonun inkişafına verdiyi töhfələrə görə “Dostluq” ordeni ilə təltif edilib.

Rəşad Nəbiyev paylaşımında bildirib:

“Dəyərli həmkarımı bu yüksək təltif münasibətilə səmimi-qəlbdən təbrik edir, gələcək fəaliyyətində yeni uğurlar arzulayıram. Cüdo idman növünün inkişafına göstərdiyi diqqət və dəstəyə görə cənab Prezident İlham Əliyevə minnətdarlığımızı bildiririk”.