Maradona komandasını taxtdan idarə etdi

"Ximnasiya və Esqrima" klubunun baş məşqçisi Dieqo Maradona futbol üzrə Argentina çempionatının XI turunda "Nyuells Old Boys"la oyun zamanı taxtda oturub.

Corner.az-ın məlumatına görə, əfsanəvi futbolçunun taxtı gözəlliyi ilə diqqət çəkib. Görüş qonaqların 4:0 hesablı qələbəsi ilə başa çatıb. "Ximnasiya və Esqrima" 3 matçda 2-ci qələbəsini qazanıb.

Qeyd edək ki, Dieqo Maradona 1993/1994 mövsümündə "Nyuells Old Boys"un heyətində 5 oyun keçirib. O, "Ximnasiya və Esqrima"ya sentyabrda baş məşqçi təyin olunub. Bu komanda 11 turdan sonra 7 xalla axırdan 2-ci yeri tutur. Növbəti turda rəqib "Estudiantes" olacaq.