Avropa Liqasının qrup mərhələsinin son turunda "Qarabağ"la qarşılaşacaq "Arsenal" oyunun hazırlıqlarına başlayıb.
Cornera qol.az-a istinadən xəbər verir ki, London klubunun zədəli yarımmüdafiəçisi Məsut Özil də artıq sıraya qoşulub.
Son dəfə bir ay əvvəl - noyabrın 11-də "Wolverhampton"la matçda meydana çıxan almaniyalı futbolçu dörd oyunu buraxıb. Türk əsilli futbolçu dünəndən komanda ilə birgə məşqlərə başlayıb. Onun "Qarabağ"la oyunda iştirak edib-etməyəcəyi fiziki hazırlıq üzrə məşqçinin rəyindən asılıdır.
Qeyd edək ki, "Arsenal" - "Qarabağ" oyunu dekabrın 13-də Londondakı "Emirates" stadionunda keçiriləcək.
