İbrahimoviç heykəlini yandıranlardan şikayət etdi

İsveç millisinin sabiq futbolçusu Zlatan İbrahimoviç onun heykəlini yandıran “Malmö” azarkeşlərindən polisə şikayət edib.

Corner.az xəbər verir ki, 38 yaşlı hücumçu bu ilin oktyabrında açılışı olan heykəlinə qarşı vandallıq edən azarkeşlər haqqında cinayət işi açılmasını tələb edib.  

Şikayətə baxan İsveç polisi futbolçunun heykəlinə mühafizəçi ayırıb və hadisəni törədənlərlə bağlı araşdırmaya başlayıb.

Qeyd edək ki, Zlatanın  "Hammarbü" klubunun səhmlərinin 50 faizini alması və "Skandinaviyanın ən yaxşı klubu olacağıq" ifadəsini işlətməsi onun yetirməsi olduğu ölkənin digər klubu “Malmö” azarkeşlərinin qəzəbinə tuş gəlib.(qol)